Çfarë mund të bëni kur shfaqet gabimi se burimi nuk është i vlefshëm? Zakonisht, problemi është te faqja që ofron burimin. Në Feeder përpiqemi të jemi sa më të pajtueshëm me të gjitha burimet që hasim, por disa kanë mospërputhje aq të mëdha sa është e pamundur të interpretohen.
Çfarë do të thotë “i pavlefshëm”?
RSS dhe Atom janë dy standarde të hapura të ndryshme që përcaktojnë si duhet të jetë një burim. Burimi është një skedar që serveri ua vë në dispozicion të gjithëve për shkarkim. Ashtu si teksti i zakonshëm, edhe ai duhet t’u përmbahet rregullave të caktuara të sintaksës. Serverët e Feeder i shkarkojnë dhe i lexojnë këta skedarë për ju, nxjerrin postimet që përmbajnë dhe i dërgojnë me shpejtësi të madhe te lexuesi juaj.
Zakonisht, programuesi nuk i ka marrë parasysh të gjitha rastet e veçanta që mund të ndodhin në praktikë. Për shembull, vendosja e një pike (“.”) në mes të fjalisë mund ta ndryshojë krejtësisht kuptimin e saj. Edhe shkrimi gabim i fjalëve mund të ketë pasoja serioze.
Çfarë mund të bëj si përdorues?
Ngjiteni adresën e burimit te validuesi i burimeve RSS. Ai e merr burimin në të njëjtën mënyrë si Feeder dhe rendit çdo gabim, rreshtin ku gjendet dhe mënyrën si mund të ndreqet. Nëse burimi është i juaji, ndreqni ato rreshta dhe shtojeni përsëri. Nëse nuk është i juaji, dërgojani rezultatin e validuesit pronarit të faqes.
Në Feeder do të donim të merrnim parasysh të gjitha rastet e veçanta që mund të ndodhin, por kjo thjesht nuk është e mundur. Prandaj, e vetmja zgjidhje është ta njoftoni pronarin e faqes se burimi i tij nuk është i vlefshëm.
Kemi shkruar udhëzuesin “Si ta validoj skedarin tim RSS”, ku përshkruhen gabimet e zakonshme dhe mënyrat për t’i ndrequr. Ju rekomandojmë të vizitoni faqen në fjalë, të gjeni lidhjen “Na kontaktoni” ose ndoshta faqen e saj në Twitter apo Facebook dhe t’ua dërgoni udhëzuesin për t’i njoftuar se burimi ka probleme. Mos harroni t’ua dërgoni edhe lidhjen e burimit në fjalë.