Feeder ka aplikacione falas për iPhone, iPad dhe Android, si dhe shtesa për shfletuesit Chrome, Firefox dhe Microsoft Edge. Në Safari ose në cilindo shfletues tjetër, mund ta përdorni Feeder në internet te feeder.co. Hyni me të njëjtën llogari Feeder në të gjitha pajisjet dhe burimet tuaja do të sinkronizohen.
Ku mund ta shkarkoj aplikacionin Feeder?
| Platforma | Shkarkimi | Për çfarë shërben |
|---|---|---|
| iPhone dhe iPad | App Store | Lexoni kur jeni në lëvizje. Merrni njoftim push kur publikohet një postim në një burim që keni zgjedhur dhe shtoni në ekranin kryesor një miniaplikacion me postimet më të fundit të palexuara. |
| Android | Google Play | I njëjti aplikacion për telefonat dhe tabletët Android, me njoftime push dhe miniaplikacione në ekranin kryesor. |
| Chrome | Chrome Web Store | Burimet tuaja shfaqen në një dritare kërcyese nga shiriti i veglave, ku ikona tregon numrin e postimeve të palexuara. Ikona ju njofton gjithashtu kur një faqe ka një burim që mund ta ndiqni. |
| Firefox | Firefox Add-ons | Burimet tuaja dhe njoftimet për postimet e reja, nga shiriti i veglave të Firefox-it. |
| Microsoft Edge | Edge Add-ons | E njëjta shtesë si për Chrome, e përshtatur për Edge. |
| Web dhe Safari | feeder.co | Feeder në cilindo shfletues dhe në cilindo kompjuter. Kështu e përdorni Feeder në Safari. |
Në App Store dhe Google Play, kërkoni feeder.co. Në Chrome Web Store, shtesa e Feeder quhet Lexues RSS feed-esh. Udhëzimet hap pas hapi: iPhone dhe iPad, Android, Chrome dhe Edge.
Si funksionon sinkronizimi?
Feeder i kontrollon burimet në serverët e vet, jo në pajisjet tuaja. Hyni me të njëjtën llogari në aplikacione, në shtesat e shfletuesit dhe te feeder.co, që të shihni të njëjtat burime, dosje dhe postime të palexuara kudo. Kur lexoni një postim në telefon, ai shënohet si i lexuar edhe në shfletues.
Njoftimet caktohen për secilin burim veçmas: në kompjuter, në telefon ose në të dyja. Shihni Merrni njoftime për gjërat e rëndësishme.
Shtesat e shfletuesit funksionojnë edhe pa llogari. Në këtë rast, burimet tuaja ruhen vetëm në atë shfletues dhe nuk sinkronizohen.
Pyetje të shpeshta
A është falas aplikacioni Feeder?
Po. Aplikacionet dhe shtesat instalohen falas. Plani falas mbështet deri në 200 burime, të cilat përditësohen deri çdo 30 minuta, pa reklama.
A mund ta përdor Feeder në Safari?
Po. Hapni feeder.co në Safari dhe hyni në llogari. Është i njëjti lexues dhe e njëjta llogari që përdorni në aplikacione.
A është Feeder i njëjti aplikacion si Feeder me kod të hapur për Android?
Jo. Aplikacioni Android me emrin Feeder, nga NoNonsenseApps, është një lexues tjetër me kod të hapur, që i ruan burimet në telefonin tuaj dhe nuk kërkon llogari. Aplikacioni ynë shfaqet në Google Play si Feeder.co dhe sinkronizohet me llogarinë tuaj Feeder.